أولا وحشتني المدونة بتاعتي مع اني خايفة تزهق مني من لحظات اكتئابي ولحظات زعلي ولحظات فرحي ولحظات جناني … بس عندي اعتقاد اني مهما عملت عمرها ما هتقولي كفاية مش علشان ده المفروض ولا علشان هي مش بتحس لكن علشان انا وهي بنكمل بعض
هي الذاكرة هي الصفحات في كتاب حياتي … وانا الكاتب انا الي بحمل الذاكرة دي
ثانيا أغنية عاصي الحلاني ( أنا ولا إنت ) رووووووووووعة بجد حلوة اوي اوي
مي سليم عاملة أغنيها حلوة بردو اسمها ( مين الي
قالك ) جميييلة جدا
مي كساب و(وحشتني ) أغنية كمان حلوة اوي
زياد برجي وباسمة عاملين دويتو حلو اوي
في (وبنفترق )
عمرو كساب عامل أغنية حلوة بردو اسمها ( وعدتك )
دول التوب فايف للاسبوع ده بالنسبة ليا أنا ……….. مليش دعوة بقى بحد تاني اه يعني الي مش
عاجبه يجري يشوف حته تانية يقعد فيها
نتكلم جد بقى شوية علشان وحشتني اللغة العربية اوي
تقتلني الأوراق الجدية والأحداث العلمية والمحاضرات
والحكاية التي لا تعرف غير وجه واحد !!
أريد خيال وحكاية موهومة وعوالم آخرى
أريد يقين من الله
يارب يارب
هب لي من لدنك يقينا هب لي من لدنك إيمانا هب لي من لدنك صبرا هب لي من لدنك رحمة ..
احتاج ديوان شعر يسرقني
ينتحل قلبي .. قصيدة لا تتكرر
أو ربما أغدو بنت لفكرة في عقل أديب
أو قصة أو رواية
أريد جيل من الخيال البعيد يغزوني
:
أصبحت أيامي تمر بسرعة البرق
اليوم يمر كدقيقة والأسبوع كثواني معدودة
والشهر يمر كلحظات
والسنة تمر كالحلم الوردي الجميل
ههههههههههههههههههههههههه طبعا بمزح لان مافيش حاجة من دي بتحصل خااااااااااااالص أحلام يقظة
هذا ما أردته لنفسي أن أكون شيئا مذكورا وسر النجاح ان انت لازم تخلقه لازم نتعب ونعافر ونحاول نقدم أحسن حاجة عندنا علشان ننجح وبجد النجاح طعمه حلو أوي وبينسي أي تعب قبله
نرجع ل اللغة العربية الفصحى تاني
أردت أن أذيب روحي في روح الكون الكبير وأستشعر السعادة اللامتناهية من تحقيق ذاتي وحبها وتقديرها وبجيبلها شوكولاته كمان 🙂
على الهامش :
امسحي جبين يومك واسقطي عنه قطرات التعب و الإنهاك ،، قبلي جبين النور و انتحليه عقد على جيد يومك لا تحزني ،، احتضني كتفي الصباح و عديه أن تصبحي كل يوم على فرحة مهما طال الدجى وظلمته ،، وإن اغمض الصبح عنك عينيه ارقصي مع النجمات المضيئة وانثريها في السماء واكتبي للصباح إني بإنتظار !
يا نفسي ،، أنت عزيزة
لقلبي وروحي مني لي فقط
اترك تعليقاً