يوم السبت رغم انه كان يوم طويل نزلنا فيه الجامعة مش نايمين وهزارنا كان هزار بوابين إلا انه كان يوم
خاتمته مسك …
يوم بجد حسيت فيه لاول مرة من أول السنة دي ان احنا عملنا حاجة لما شفت تشجيع ودعم رئيس القسم
لفكرة مشروعنا …
يااااااااااااااه بجد بجد نسيت اني نزلت جري و من غير نوم ومش مركزة افتكرت حاجة واحدة بس احنا نجحنا
( لوووووووولووووووووووولووووووووووي ) بس للاسف مش معنى كده ان خلاص المشوار خلص دا
كده المسئولية كبرت و كده بقينا قدام المدفع ( ان ان اااااااااااان ) كده لازم نطلع مشروع نرفع راسنا بيه
قدام الناس الي رفعتنا للسما من يومين والا هيبقى منظرنا ( لا يسر عدو ولا حبيب ) ….
يعني من النهارده New Beginning يا مسهل يا رب …
الاحد الجاي ا ن شاء الله أول يوم هننزل فيه الكلية في الترم التاني – سامعة موسيقى احباط خلفية بتقول ييييييييييييييييييييه
لما بمشي قدام الكلية مش بحس بأي انتماء أو حنين ليها وخلاص بقى نفسي اتخرج علشان زهقت … يمكن
بس الي مصبرني فعلا المشروووووووووووووووووع .. ربنا يتممه على خير
كمان نفسي أروح دريم بارك تاني ولندن وفرنسا وتركيا ولبنان وأماكن كتير جدا جوه وبره مصر
بس أخيرا اكتشفت ان كل ده مش مهم المهم الصحبة الكويسة والروح لأن من غير الصحبة الجميلة وروحهم
الحلوة مفيش أي حاجة من دول هيبقى ليها طعم ، في أشخاص معينين في حياتنا الحياة مش بتحلى غير بيهم ومن غيرهم
الحياة ملهاش لازمة
بالمناسبة كمان خلصت كتاب عمر طاهر ( رصف مصر ) بما اني مش ناقده مختصة لكن بدرس الاعلام
وفوق كل ده وده واحدة من الالاف الي قروا الكتاب هقول رايي بسرعة كده ..
عمر طاهر نجح نجاح باهر السنين الي فاتت في اصداراته وقدر يدخل عقول الشباب بطريقته الهزلية في
عرض القضايا الجادة يمكن لان دماغ الجيل الجديد لا تحتمل الجد وهو عارف كده كويس واستغل ده ونجح
في تقديم شيء مطلوب ومرغوب … ( رصف مصر ) كتاب يحمل فصول كثيرة نجح عمر طاهر في معالجة
بعضها بطريقة جذابة لكن استخدم في الباقي طريقة ( الملأ والتعبية والحشو ) >> مافيش فرق بين التلاتة
بس ده للتوضيح مش أكتر <<< ذكاء إبل 🙂
بما ان قراء عمر طاهر من أعمار متفاوته و بينهم الشاب والفتاه كان عليه ان يحترم تلك النقطة ويضعها في
عين الاعتبار <<<< يا جامد يا جامد قول يا كبير
انا مثلا كبنت قريت الكتاب في حاجات كتير كنت بفوتها مالهاش لازمة اني اقراها وكمان دي مش صراحة دي
تبقى وقاحة دا اقل وصف للي كان بيتقري … مش هقول زياده عن كده ربنا يسهله بقى بس غالبا كده
الجماهير المشجعة هينقصوا واحد وماخفي كان اعظم ….
بعيدا عن عمر طاهر قريت لارنست همنجواي واجاثا كريستي وحاليا لتشارلز ديكينز من جديد … كتاب
متميزين و مستعده اقرأ كتاباتهم بدال المرة مليوووووووون <<< ناس مبالغ فيها D:
جدولي الاحد والثلاثاء والخميس يعني هييييييصة هيصة … ربنا يعدي السنة دي على خير
على الهامش : أحيانا نشعر باننا نحمل في داخلنا قلب متحجر بارد قاسي … ليس معنى ذلك أن الخير فينا
مفقود فالله وحده يعلم ماتحمله القلوب وما يسكن في الضمائر فدعونا لا نقسوا على انفسنا و لا من اجل احد لانك اذا قسوت على ذاتك خسرتها وإذا خسرت ذاتك ماعاد يمكنك كسب شيء ( يارب ان ضاقت قلوب الناس عن ما في من خير فعفوك لا يضيق )
يـــــــــــــــــــــــــــــــــــــــــــــارب ……
اترك تعليقاً